خرمجات قصدي خربشات شعريه

[طنط سوسو]

بعدك انت وين اشرق ووين اغرب مالي غير القبله اتوجه واناجي البلاني بريدك بلي اقولو ياربي كان في بعدو عني عقاب منك لي وابتلا ابلاني في عافيتي في صحتي بس ياربي الابعدو بتمرق روحي وببقي انسان بلي بقدرتك مكنته حبو في جواي إتخلل دواخلي ومسك درب الدم عديل وجري فوقو جري انا بريدو ريده كدا لاراده قبالي زول لابعدي حيجي بريدو اكتر من الوالده وابوه الربا بريدو كدا ريده تعلم بيها انت ياربي ريده كان اتخيله بشر كانو قالو مجنونتو ودا كان يكون يوم سعدي بس ماظنيت في يوميقدر حد يعرف مدي ريدتي لي كان البريدو زاتوو شك في ريدي واخلاصي ليه؟؟

[طنط سوسو]

اشتقته ليك واشتقته لهظارك معاي وللهجتك واشتقته لضحكتك ؟ اشتقته لكل حاجه فيك اشتقته ليك شوق عطشانا لابتروي مويه ولا عصير شوقي ليك شوق روحا محتاجه لحنانك وحنيه يديك مشتاقه لقوله بريدك وقت تقولها انا بطير من ع الأرض طير واحس اني اسعد زول واقول يااااابختي! ياربي حسدني الزمن ولا دا حظي ؟ اصلي ماوش خير؟؟

[طنط سوسو]

معليش استحملوني الأيامات دي اصلي متشاكله مع ابوالعيال طفش خلي لي البيت ههههههههههه

[طنط سوسو]

احكيلكم عن حبيبي انا ياربي ابدالكم من وين عن طبعو البعرفو انا مالاقاني في الزمنين لاعرفتو شرقيتو زايده ولا الكلام دا جابو من وين في طبعو مافي قوله لا كان سمعها الله قال بقوله القايلين كلامو البقولو مابنعاد ولايرجع لي شكل سؤال كان قام عليك وقسمك نصين في حديثو حنيه زايده دا كان حباك ورضي عليك رب العباد حبيبي انا مازيو زول لاشفته زي شخصيتو في مدرسيني رغم كل الفصول حبيبي انا حديثو برا طبعو برا ودا الخلاني احبو واتحدي زولا ناحيتو يتعدا

[عصام مصطفي]

طنط ثوثو واصلي ثامعنك ....
واجمل الحروف البتمرق من خرمجات الدواخل

هو مالو؟؟؟

[محمد فتحي]

علي قولو هو مالو
يا بت خربشي ساي الحبه ما بتجيك

[طنط سوسو]

بري ماعندو ميل غير شوقي لي الزايد بالحيل ماعندو ميل كان حباني واتزكر كل شي جميل ماعندو ميل كان خلي عنادو عشاني انا وعشان ريدنا الإتعاهدنا علي قبيل ماعندو ميل كان خلي قوله الأنا وبقينا انا وهو انا ماعندو ميل

[طنط سوسو]

اجاب وياليته لم يجيب اجاب علي بكل برود اجاب واشعل النيران بداخلي وجعلها تزيد وتزيد اجاب وبكل برود يسألني عن حالي اولا يدري ان حالي من بعده في حال اولا يدري انني لم اذق طعم النوم منذ ليالي طوال اجااب وياليته لم يجيب احس الراحه والفرح في نبرات صوته تستفزني تقتلني تقطع احشائي بلارحمه اجااب وفي نبراته معني يقول من انتي من تكوني لأقف عندك واملأ قلبي بالنحيب اجاب وياليته لم يجيب فقد ساء حالي بعدها فياليته لم يجيب فياربي صبرني علي قلبي العنيد الذي صرعني بقوله دونه لا اريد لا اريد برغم عناده و شكه وظنونه لا اريد اجاب وياليته لم يجيب فياربي لاتجعل سبب تعاستي في قلبي فلقد هجرته منذ امد بعيد اجاب وياليته لم يجيب

[طنط سوسو]

من كتر مابريدو انا بخاف علي من ريدي زي رويحتي بريدو انا لاكذابه هو رويحتي بخاف عليه من النسمه تجي حاره تلفحو في وجيهو بخاف عليه من الناس كان لي لا زولا يسالمو ولا حد غيري يناضمو بريدو ريده الأم لجناها التعبت فوقو وشالتو تسعه شهور بريدو والله زي عيني لاهو عيني واغلي ماعندي في الكون ياربي تخلي لي وتغطي ومن شر كل حاسد تحمي وتنجي وتوقي ولي ياربي تحفظو وتخلي (قولو امين سريع)

[عوض أحمد]

تسجيل حضور وإندهاش وإعجاب بهذه الخرمجات

[طنط سوسو]

اقتباس: المشاركة الأصلية كتبت بواسطة عوض أحمد     تسجيل حضور وإندهاش وإعجاب بهذه الخرمجات

شكرن يامعجب وش متكيف منك شديد تقدر تقول مبتسم

[طنط سوسو]

مشتاقه ليك شوقا غلب كل الكلام كل الحروف ليك توصفو مشتاقه ليك شوق المسافرين الطووووووولو مشتاقه ليك شوق المريض للعافيه وقت تجيهو بيحمدو مشتاقه ليك شوق ارض عطشااااانه راجيه الخريف شان يزرعو مشتاقه ليك شوق قدر كل الإشتاقو ووصفو مشتاقه ليك شوقا لاحمام لاريح من كترو تقدر تشيلو توصلو مشتاقه ليك..!

[طنط سوسو]

نفسي انساك شان اتزكرك نفسي انساك !في مخيلتي انت حاضر كان قنبته كان صنقرته انت حداي نفسي انساك! في حدقات عيني مسكناك كان غمضته بستناك كان فتحته بتلقاك النبي قولي تفتكر بقدر انساك شان اتذكرك؟

[طنط سوسو]

اوصفلكم حالي انا كيف وقت سعلني وقالي اوصفيلي بتريديني انا كيف؟ وحاتكم غلبني الحكي واتحيرته واتمحنته في رقبتي المن كترت نضمي بشرد الضيف غلبني اوصفلو الجواي واقدر اوصلو بريدو انا كيف لان الجواي اكبر من الواقع والبتخيلو يقول ياربي دا كيف؟ الجواي دا حيرني في وصفو دا ريد ؟لالا ماظنيتو دا اكتر من ريد ! بحس بلهفه قاتلاني كان اصبحته كان امسيت والشوق دا اصلو خلو برا اصلي معاه وبشتاق لي اصلي ماسمعته بزي دا بس والله اجمل ريد!

[محمد فتحي]

ولد دا
نفسيات عميقت الاندهاش لفصول رواية قاتلة المعني
لكي الفرح دائما
وله السعادة بهذا الحب الانيق
افرحيني كما افرحتيه ياخي

[طنط سوسو]

اقتباس: المشاركة الأصلية كتبت بواسطة محمد فتحي     ولد دا نفسيات عميقت الاندهاش لفصول رواية قاتلة المعني لكي الفرح دائما وله السعادة بهذا الحب الانيق افرحيني كما افرحتيه ياخي

اسعدني تواجدك تااش لك التحيه وله الحب والشوق مني وباقه ورد مسقيه بعطر انفاسه

[طنط سوسو]

اغيب انا اضيق انا بس انت لا البزعلك ياربي للخلا احس الدنيا ضاقت بي وكل شي مسخ علي وقت تزعل وتضايق ولاتقول بالي مارايق!! كان لي اشيل البسمه من الناس شان اسعدك الفرحه التتعداك وتفوت لسواك ياربي ماتنفعو شان عيوني انا دمعو وغلبني ياربي البعملو شان اسعدو!!

[طنط سوسو]

اصعب جرح من زول تريدو وتصطفي لباقي العمر ..اصعب جرح وقت تشوف كلامو مر.. اصعب جرح وقت يعيدو ويكوي فيك بس كدا ضر.. اصعب جرح وقت تشيل في خاطرك من خاطرك.. اصعب جرح وقت تسعلو ويتغابي لكلامك كتير ..اصعب جرح وقت كل همك تكوس رضاهو وهو عمرو ماكاس لرضاك ..اصعب جرح وقت يتجاهلك البستاهلك اي والله دا اكبر جرح

[طنط سوسو]

اشتقته ليك واحتجته ليك في عتمه الليل الطويل ناديت عليك بسأل عليك كل النجوم البضوي ليك بسأل عليك ضي القمر كان اشوف وجهك وعينيك لأني بالجد اشتقته ليك.. ياما اتمنيت ..! اتمنيت كتير اكون حداك اعيش معاك باقي العمر اشوف معاك كل الظروف بحلوها وبمرها اصلو المرار بالنسبه لي البعد عنك كان بقيت انا في قصر مابدوق طعم السعاده ومابدور من الدنيا دي لا بيوت انا لا قصر بس بدور اكون حداك ان شاءالله في راكوبه وناكله عيش بر شفتو العلي يخواني كيف اريتو حالكم وحالي انا لباقي العمر...

[ام صبا]

اقتباس: المشاركة الأصلية كتبت بواسطة طنط سوسو     اشتقته ليك واحتجته ليك في عتمه الليل الطويل ناديت عليك بسأل عليك كل النجوم البضوي ليك بسأل عليك ضي القمر كان اشوف وجهك وعينيك لأني بالجد اشتقته ليك.. ياما اتمنيت ..! اتمنيت كتير اكون حداك اعيش معاك باقي العمر اشوف معاك كل الظروف بحلوها وبمرها اصلو المرار بالنسبه لي البعد عنك كان بقيت انا في قصر مابدوق طعم السعاده ومابدور من الدنيا دي لا بيوت انا لا قصر بس بدور اكون حداك ان شاءالله في راكوبه وناكله عيش بر شفتو العلي يخواني كيف اريتو حالكم وحالي انا لباقي العمر...

طنط سوسو

طنط سوسو مساك فل وياسمين
خرمجاتك وخربشاتك عجبتنى جد ياريت نقدر
نخرمج زيك والشوق والله صعب ويخليك تخربشى
غصبا عنك

هاك منى دى عشان شوقك الحلو ده


فى بعادك ياغرامنا يطول عذابنا
ونحس بالفرحه مافى
والحروف الليك بترقص بتتمرد
وتابا تنظم فيك قوافى
والسهر يبقالنا صاحب والنوم يعند
ومن عينى يبعد يجافى
حتى الحنين وشوق السنين فى غيابك
تانى يبحث لمرافى
قول لي مين قساك علي وانا حبى ليك
من جواي صافى
عشنا معاك اجمل ايام صبانا ترجمت
ليك حبى الخرافى
وبالشوق علي تبخل والقليل منك
ياحبى كافى
وانت يا فرح العمر انت الطبيب
وانت الحبيب وانت المعافى

[اركمانيه]

أمد كف المسافه
لكي ترسمي روعة خربشاتك
تسلمي طنط سوسو

[طنط سوسو]

اقتباس: المشاركة الأصلية كتبت بواسطة ام صبا     طنط سوسو طنط سوسو مساك فل وياسمين خرمجاتك وخربشاتك عجبتنى جد ياريت نقدر نخرمج زيك والشوق والله صعب ويخليك تخربشى غصبا عنك هاك منى دى عشان شوقك الحلو ده فى بعادك ياغرامنا يطول عذابنا ونحس بالفرحه مافى والحروف الليك بترقص بتتمرد وتابا تنظم فيك قوافى والسهر يبقالنا صاحب والنوم يعند ومن عينى يبعد يجافى حتى الحنين وشوق السنين فى غيابك تانى يبحث لمرافى قول لي مين قساك علي وانا حبى ليك من جواي صافى عشنا معاك اجمل ايام صبانا ترجمت ليك حبى الخرافى وبالشوق علي تبخل والقليل منك ياحبى كافى وانت يا فرح العمر انت الطبيب وانت الحبيب وانت المعافى

والله ياام صبا ماقصرتي كلو كلو كلماتك دي شويه كدي بردت نار شوقي اصلي بعيد عنك مابعرف امنجه النضمي زيك كدي يادوب خرمجات كدي علي قدر حالي وماقادره امرق ولو جزء من الجواي النبي كان دي خرمجتك طوالي تعالي خرمجي بجاي بالجد سعدته بطلتك وبكلماتك الأكتر من رائعه يديك العافيه ويحفظك ياستهم

[طنط سوسو]

اقتباس: المشاركة الأصلية كتبت بواسطة اركمانيه     أمد كف المسافه لكي ترسمي روعة خربشاتك تسلمي طنط سوسو

الروعه في طلتك اركمانيه اسعدني مرورك يا الغاليه نورتي البوست

[طنط سوسو]

اعلنته استسلامي انا للبريدو ...للنساني وجع عمري وحرمان زماني..الاسمو خلاني اتوه انا في الأماني ومالقيت يخواني شي ينصفو في كل المعاني..الحبو حيرني بأسلوبو غيرني خلاني انسي ذاتي ومحي جواي كل ذكرياتي...الحبو سهرني وبعدو اثرني وشوقو كسرني بصراحه دشدشني...في حبو علمني الصبر والتأني واحساسي اللازمني رغم بعدو انا بغني...اغني من الشوق والهيام ومن الريد الفاض مني...اقولو انا علي عهدك مهما الظروف تجبرني ... مهما الطريق ضحل وطويل وانت معايا حنعدي... علا بخاف انا من الذمن يديني ضهرو ويعدي...!..علا قولك هو البيجبر بخاطري ويطمني ياحته مني..!

[منال محمد]

لاكن ماخربشا ياخي خربشي زيدينا خربشا سمح كلامك بالحيل ياطنط سوسو

[طنط سوسو]

اقتباس: المشاركة الأصلية كتبت بواسطة منال محمد     لاكن ماخربشا ياخي خربشي زيدينا خربشا سمح كلامك بالحيل ياطنط سوسو

منووله تسلمي ياعسل ثمح جري بنبرك دا وتعالي جاي اثمعي خرمجات طنطتك

[طنط سوسو]

أشكي الغرام ولا الهيام ولا الزمان البكمني وبقيت مابعرف الكلام...جوايا احساس ماظنيتو عند الناس الما لقيت لي في الكلام مقياس دا الغلبني وفي الآخر بقول إحساس...احساس يشيلك من بين الناس وتحس بروحك في جنه رغم الزحام...جنه بكلامو بحنانو بوئامو دي جنه قلبي اريت ياربي دوام حالو...دا حالو حال السرور وقت لقي روحو وقلبا ليهو يدور... لقي روحو وراحتو بعد تعب السنين... لقي قلبا حنييييييييين... احس بحنانو في سلامو في كلامو في هظارو من الآخر ياخ والله بريدو انا مووووت...ماقادره اقولكم شي ومها حكيت دي يادوب انات غلبني اوصلكم الصوت..

[معز ستيك]

اصعب جرح من زول تريدو وتصطفي لباقي العمر ..اصعب جرح وقت تشوف كلامو مر.. اصعب جرح وقت يعيدو ويكوي فيك بس كدا ضر.. اصعب جرح وقت تشيل في خاطرك من خاطرك

والله بينى وبينك اصعب حاجه لمن تشيل من فى خاطرك من خاطرك
وبينى وبينك يامنقه حاره وبتخليك مكوى كوى خاصه زى ريدا زى ريدتك دى
قتى لى بتحبيهو اكتر من الوالده دى قويه وياريت الزمن دا يكون فى حب زى دا حب
نضيف وطالهر وطالع من منابع زول صادق وجد بريدك وانا لو قعدتا اكتب ليك لى بكره مابخلص عشان كدا اخير اقرض على كدا
وياطنط سوسو مرحب بيك فى هوب واحىى خرمجاتك وزيدينا من دلك شويه وكترى الخرمجات عليا

[طنط سوسو]

اقتباس: المشاركة الأصلية كتبت بواسطة معز ستيك     اصعب جرح من زول تريدو وتصطفي لباقي العمر ..اصعب جرح وقت تشوف كلامو مر.. اصعب جرح وقت يعيدو ويكوي فيك بس كدا ضر.. اصعب جرح وقت تشيل في خاطرك من خاطرك والله بينى وبينك اصعب حاجه لمن تشيل من فى خاطرك من خاطرك وبينى وبينك يامنقه حاره وبتخليك مكوى كوى خاصه زى ريدا زى ريدتك دى قتى لى بتحبيهو اكتر من الوالده دى قويه وياريت الزمن دا يكون فى حب زى دا حب نضيف وطالهر وطالع من منابع زول صادق وجد بريدك وانا لو قعدتا اكتب ليك لى بكره مابخلص عشان كدا اخير اقرض على كدا وياطنط سوسو مرحب بيك فى هوب واحىى خرمجاتك وزيدينا من دلك شويه وكترى الخرمجات عليا

اسعدني مرورك ستيك وادهشني اعجابك بهذه الخرمجات تسلم كتير ياراقي هاهاهاهاها اي والله بريدو اكتر من امو الوالده وابوهو الربي
، اكيد حخرمج طالما ريدو وهو جواي ياربي تضوق ريد زي دا ياستيك بالجد دنيا تانيه وعالم تاني
رغم بعد المسافه وقساوه الظروف

[موجة البحر]

لا لا لا قلت لى خربشات
والله كان كدا انحنا البنكتب خربشات

بس بينى وبينك الكلام الحار دا الا ياها شويكش

بس عليك الله امانة كدا ما تسكتى
انا بجيك تانى بنداح حبتين كدا معاك